Irgendeeng Firma mam Numm Culture-buzz haat op en Blogtreffen angelueden. Ween mech net nemmen iwert de Radio kennt, wees, daat ech en Blog hun an ziemlech vill kritesch Froen iwert déi Firma, daat angeblech nonkomerziellt Treffen an iwerhaat gestallt haat.

Daat huet net jidderengem gepasst an et huet mech och net jiddereen verstaanen. Waat dozou gefeiert huet, daat et ziemmlech hefteg gin ass an ech een Moment laang Angscht haat op den Treffen ze goen. Ech hun gefaart, soubaal déi mech geifen gesin, geif ech Gefohr laafen, eng Blaivergeftung an oder d’Perforatioun vun verschiddenen vun mengen enneren Organer ze erliewen.

Ech hun mech schon gesin mat bluddegen Kleeder aus dem ultra-hippen Lokal flüchten fir den Schess vun der Marketing-Mafia ze entgoen. An d’Marketing-Mafia huet natirlech Maschinengewierer. Daat wier also richteg ellen gin.

Waat ech mir ebenfalls erwaard hun, waaren Schnitterscher fir naischt. Irgendwéi mussen bei esou propperen, heichglanz PR-Szenen emmer Schnitterscher do sin. Daat sin dann natirlech keng normal waiss Broutscheiwen mat Ham oder Keis drop, mee kleng Konschtwierker bei denen en sech net wirklech traut ze froen waat dann dran ass. Wahrscheinlech wussen se esou un engem seelnen Strauch, den en just an enger Oase matzen an der Wüste Gobi wisst. Oder wann suspekt Leit mat suspekten Keschten an Marketingagenturen kommen, dann sin do net nemmen 2 Kilo Kokain dran, mee och 2 Kilo Schnitterscher fir Heichglanzzwecker.

Zum Thema Kokain kruut ech vun engem, deen et wessen muss, d’Informatioun, daat an dem Pudder, den haut als Kokain verkaaft ged, just nach 4% richtegen Kokain dran ass. Daat ass och esou eng Saach. Ech hun do einfach meng Virurdeeler. Vun Kenschlter denken ech jo, daat se sech gären mei oder manner legal Drogen eranzeien an Filmer kucken wou een dem Aaneren mat der Buermaschin d’Aan erausbuert an wou mat raschtegen Kettenseen op Fässer getrommelt ged.
An vun Marketingleit denken ech eben, daat se öfters ob d’ Toilet verschwannen fir sech d’Nues bessi ze pudderen, wéi daat esou schein heescht.

Et ass mir awer naischt geschidd. All déi Leit déi mech virtuell esou vernannt haaten, hun sech bei mir entschellegt. Daat hun ech fein fonnt. Ech mengen, sie hätten och kennen mat engem Maschinengewier op mech lass goen an mir meng eener Organer perforeiren. Daat wier allerdengs och weineger fein gewierscht.

Daat eischt waat ech gesin hun, waar en selweren Platteau mat Schnitterscher. Ech hun mech nirwt en gesaat, den ech kannt hun an hun mir vun deem d’Laag erklären geloss. Hien hätt seng Tarnung schon op gin, haat en gesoot. No e puer Beieren wier daat schon méi schweier.

Ech kruut et dun awer esou lues mat der Angscht ze din. Waat waaren do fir komesch Leit op dem Treffen? Ech mengen, Blogger ged et wéi Sand um Mier an daat ass e bessi wéi mat all Subgrupp. D’Leit hun all eppes gemeinsam, mee och net all ze vill.
Ausserdem haat ech den Verdacht, daat do vill Leit aus dem Marketing do waaren. An daat huet jo geheescht daat daat ganzt eng drenken an sniffen-party waar.

Irgendwann ass den Organisator vun dem ganzen komm an huet ugefangen mat mir ze diskuteiren. Ech hun och gären mat him diskuteiert. Soulaang hien mech dann och schwätzen geloss hues. Well hien huet immens laang an vill geschwaat. Ech hun mol heiren, wouvunner daat soll kommen, wann Leit immens vill an iwerzeegt vun sech selwer schwätzen. An guer net méi ophaalen.
Et gesait e bessi aus wéi Puderzocker an et fennt en et oft op den Lavaboen vun Toileten an esou ultra-hipen Baren wéi der wou ech graad souz.
Irgendwann ass en Sender komm, den sech selwer als jonk bezeechent huet an wollt en Interview vun mir. Bon, ech brauch och als Gonzo-Journalist all puer Wochen eng Keier meng 15 Minuten FAME, also hun ech mech interviewen geloss. Den Sender huet freier mol wéi en Danz geheescht an waar ziemlech schief.
Komescherweis kritt en en trotzdem an ganz Europa iwer Satelit. Wiesou och emmer.

No dem Interview ass et direkt weider gaangen mat der Diskusion. Irgendwann waar irgendeng Virstellung mat engem Heichglanz-Marketing-Beamer den bestemmt esou vill kascht huet wei déi Fabrik an der en gemaach waar, die Camionen an den Fliiger den en transporteiert huet zesummen.
Mee main Gespraichspartner wollt daat net emol kucken. Mir waar et egal. Hien huet geschwaat, geschwaat an geschwaat. Ouni Enn, quasi. An ech hun en mat mengen Aussoen deelweis schockeiert.

Irgendwann huet en dun gemengt, hien misst op d’Toilett goen. Ech wosst jo, waat daat geif heeschen.

Fir mech huet daat awer geheescht, daat ech esou lues awer secher misst d’Flucht ergraifen. Daat ass och irgendwann eng Keier gaangen, well dun hun sech déi zwee Leit, dei ech quasi als Schutz matgeholl haat, och mobiliseier an mir hun just nach eng hallew Stonn mat Leit diskuteiert bis mir dun endgülteg fort konnten.

Ech haat en komeschen Drive drop. Ech hun eng Autosfahrt gebraucht, am beschten an irgendeng komesch Frittenbud wou ech konnt an Rou iwert daat ganzt schwätzen an nodenken. Ausserdem haat ech en komeschen Honger ob Fritten.

Mat schnellem Tempo an engem Lidd vun 20 Minuten hun ech d’Flucht dunn ungetrueden, fort vun der komescher hipper Bar, fort vun denen Schnitterscher, fort vun Koksliwerungen an ominösen Kartonskeschten, fort vun Leit déi just kuerz eng Keier op Toilett mussen an do verdächteg vill Zait verbrengen…